До парламенту уж пришла пропозіція на передовжіня волебного періоду в самосправах зо штирёх на пять років. Передложыла ю ґрупа посланцїв Народной рады СР за Hlas-SD враховано председу НР СР Ріхарда Рашіго, сполупередкладателём є Роман Малатінець (незашореный). На зміну є треба новелізовати Конштітуцію СР, также на схвалїня буде треба і голосы опозіції. Кедь ся подарить зміну схвалити, передовжіня волебного періоду бы мало платити уж од осїннїх волеб. В припадї схвалїня бы мала нова леґіслатіва платити од 15. юна того рока. То значіть, же в споєных самосправных вольбах, котры будуть 24. октобра, бы могли волічі выберати своїх заступцїв на пять років.

(TASR, Шутіова)