Словакія зреалізує накуп 14 тактіцькых надзвуковых стігачіх аєропланів Ф-16 і у звязку з тым підпише потрібны договоры з владов УСА. Вчера тот крочай одобрила влада СР, котра акцептовала пропозицію міністра обороны Петра Ґайдоша. На пресконференції о тім інформував председа влады Петер Пелегріні, за словами котрого Словакія за пакунок 14 америцькых аєропланів, тренуваня, муніцію і логістіку заплатить в наслідуючіх роках 1,589 міліярды евр.
(TASR)