Місто Меджілабірці планує застрішыти ледову площадку. Продовжыти так хоче період, в часі котрого буде мож хоснувати і понижыти преведзковый келчік повязаный з утримуваням леду. Як повів пріматор міста Владіслав Вішньовскый про пресаґентуру TASR, місто ся звернуло на штатный фонд про підпору шпорту зо жадостьов о дотацію. Подля Вішньовського была ледова площадка выбудовна в року 2016, но через неблагоприємны метеоролоґічны условія в Меджілабірцях противостоїть місто проблемом з утримуваням якості леду. Проєкт застрішіня ледовой площадкы предпокладать выбудованя галы з оцели над існуючов ледовов площадков і приставбу мурованой часті. Нова комплексна інфраштруктура бы мала быти зреалізувана з модерных матерялів і технолоґій. Цілкова высшка жаданой дотації досягує суму єден міліон евр, решту келчіка у вышці 300.000 евр планує місто фінанцовати через увер. (TASR, Pkf)