x

Міловчік не підписав узнесіня

00

KONICA MINOLTA DIGITAL CAMERAСниньскы депутаты схвалили інвестічный план перебудовати опущены неквартельовы просторы на Коменьского уліці на арендованы квартелі. За пропозіцію депутаткы Марії Тодаковой голосовало 8 із 14-ох депутатів. Пріматор Штефан Міловчік тото узнесіня не підписав. Інвестічный план бере за різіковый і невыгодный про місто. Просторы, котры депутатка хотіла змінити на квартелі, перед тым служыли як шпеціална основна школа. На перебудованя бы місто, подля схваленой пропозіції, жадало пожычку од Державного фонду розвитку бываня. Пріматор то, же узнесіня не підписав, арґументує і тым, же пріватный інвестор вже роздумує о перебудованю бывшого готела Вігорлат на квартелі. Могло бы їх там быти приблизно 80. Того часу уж проходить схвальованя ставебного поволіня.
(Петро Медвідь)