Польща поставить на своїх граніцях з Білоросійов пліт з цільом заставити безпрецедентный тиск міґрантів. В понедільок то оголосив польскый міністер обороны Маріюш Блащак, інформовала аґентура PAP. Як написав міністер на сіті Twitter, мав бы мати 2,5 метра. Подля шефа польского резорту обороны буде до сторожіня граніць штохвіля залучене і векше чісло членів армії. Уж в пятніцю Блащак повів, же на польскых граніцях патролює вєдно із гранічнов сторожов коло 900 вояків. Окрім Польщі на своїх граніцях з Білоросійов будує пліт і Літва. Аґентура Reuters інформовала, же літовска премєрка Інґріда Шімоніте в понедільок оголосила, же Літва свій 508 кілометрів довгый пліт планує докінчіти до септембра слідуючого року.

(Медвідь, TASR)