Америцькый презідент Доналд Трамп і російскый презідент Володимир Путїн ся стрїтять в Будапешту. Ознамив то по скончіню їх телефонату в четверь вечур шеф Білого дому, але без уведжіня терміну стрїчі. Подля Трампа досягли почас телефонату ,,великый покрок“. ,,Презідент Путїн а я ся стрїтиме на договоренім місцї – в Будапешту в Мадярьску – а увидиме, ці будеме годни закончіти тоту неславну войну меджі Росіёв і Українов,“ написав Трамп на своїй соціалній сїтї Truth Social.
Припомянув, же в пятніцю ку нёму до Вошінґтону завітать україньскый презідент Володимир Зеленьскый, з котрым хоче говорити окрем іншого і о обсягу телефонату з Путїном.

(TASR, Шутіова)