Косово і Нїмецько підписали договор дотуляючій ся старостливости о гробы нїмецькых вояків з періоду другой світовой войны, котры ся находять в Косові. У четверь о тім інформовав Нїмецькый союз про старостиловсть о войновы гробы (Волксбунд), пише аґентура AFP. На основі договору буде мати Берлін можность на свої властны наклады утримовати нїмецькы войновы гробы і цінтерї на теріторії Косовской републікы. Тыж буде мочі ідентіфіковати, ексгумовати і перемістнёвати остаткы похованых нїмецькых вояків а будовати ,, просты і достойны памятникы”  в теріторіях, де ексгумація тїл вояків не є можлива.

(TASR, Шутіова)