Україна чекать, же в лїтї або на осінь ся зачне выставба штирёх новых реакторів в Хмельницькій ядровій електрарнї, котра лежыть на западї країны. У четверь то про аґентуру Reuters повів міністер енерґетікы Герман Галущенко. Два реакторовы блокы – реакторы і повязаны заряджіня – будуть вывжывати заряджіня російской выробы доведжены з Булгарії, далшы два западню технолоґію од америцькой фірмы Westinghouse. Reuters припомянула, же Україна ся намагать про войну з Росіёв здобыти новы жрідла енерґії. Выставба 3. і 4. блоку в Хмельницькій ядровій електрарнї ся зачала в другій половинї 80. років, але была заставлена.

(TASR, Шутіова)