На єднотливых історічных обєктах в сканзені під замком Любовня актуално реалізує ся превентівна охрана дерева. Діректор Любовняньского музея Далібор Мікулік про TASR потвердив, же цілком є в музею людовой архітектуры 32 будов і каждій з них приділюють індивідуалну позорность. Як діректор музея конкретізував, же тоту охрану дерева родблять  реґулярно. Найперше одбывать ся обглядка обєкту, паспартизація і потім план оправы. Працівници музея найперше аплікують текуче фунґіцідно-інсектіцідне постріканя, котре хранить дерево перед пліснями, мушковинами і грибами. Потім приходить на ряд конзервачне натераня, котре забезпечіть UV охрану, фаребне зєдночіня поверьху і довгочасову одолность проти природным впливам. Сканзен під замком Любовня быв приступненый в році 1985. Своїма хыжками приближує жывот на традічных селах на Вышнім Спіші і Шаріші, в реґіоні, де по столітями вєдно жыли Русины, Ґоралы, Німці, Жыды і Ромы. Домінантов сканзену є деревяный ґрекокатолицькый храм засвяченый св. Михайлови Архангелови, поставленый в році 1833. В сканзенї ся находить 32 жытловых і господарьскых будов. За інтерес стоїть і презентація хованя традічных господарьскых звірят. (TASR, Pkf)