Посланці Пряшівского самосправного края, пріматоры і старостове міст і сел, посланці містьскых і сельскых представницьтв, ґражданьска орґанізація Храниме край під Дукльов і жытелі северовыходной Словакії скликують мітінґ під назвов Протест – бой о спасіня нашого шпиталю арм. ґен. Л. Свободу у Свиднику на днесь з початком о 15.30 год. а то перед сохов арм. ґен. Л. Свободу в центрі міста Свидник. Даный протест є высловіньом неспокійности зо зрушіньом породницького і новородженецького одділіня в тамтешнім шпиталю. Компанія Світ здоровя, котра превадзкує шпиталь, вырішыла їх зрушыти к 17. децембру з причины низького чісла породів і недостатку здравотниського персоналу.
(Podduklianske novinky)