Підвігорлатьскый железнічный сполок (ПЖС) вєдно з партнерами приправив про дїти на св. Николая акцію, в рамках котрой десяткы дїтей перевіз історічным Николайскым влаком ід Лупковскому тунелу. Ішло о другый рочник той акції. К дїтём в Меджілабірцях приступив і Николай котрый їм під Лупковскым тунелом родзав подарункы. Бісїдує председа Підвігорлатьского железнічного сполку: „Думка взникла, дасть ся повісти спонтанно. Замеснтанцї самы пришли з ідеов штось про дїти зорґанізовати. Членове ПЖС нарихтовали дїтём баликы із сладкостями і выздобили цїлу влакову суправу. Приправили сьме рождественну музику і 50 лїтрів горячого чаю на путь“. К Лупковскому тунелу выразила з Гуменного Стакчіньска стрїла, котра представлять найстаршый серіово вырабляный кусок з тых моторовых вознїв.
(Korzar, Цітрякова )