Словацька делеґація, котру вів діректор політічной секції Міністерства загранічных справ і европскых односин СР Мартін Качо, у вівторок в Києві вела політічны конзултації зo заступником україньского міністра загранічных справ Олександром Міщенком і заступником діректора канцеларії україньского презідента Ігором Брусилом. Дебатовали о білатералных темах, в тім чіслі о енерґетічній безпечности, мировім рішіню конфлікту і приправах третього сполочного засіданя влад обох країн. Пресаґентуру TASR о тім днесь інформовало комунікачне одділіня міністерства. По владных дебатах в Міхалівцях і Ужгороді, котры ся одбыли в апрілю і октобрі минулого року, ся мають делеґації під веджіньом премєрів стрітнути знову на Словакії. Україньска сторона у вчерайшім выголошіню по дебатах увела, же Україна мать інтерес о конштруктівный діалоґ зо СР. Міщенко але остро підчеркнув, же ниякы пробы політічного тиску проти Україні у справі енерґетічных вопросів небуде акцептовати. (TASR, Pkf)