Міністер внутрішнiх діл і председа Гласу-СД Матуш Шутай Ешток твердить, же дакотры опозічны партії одмітають, жебы політіци поділяли ся на консолідації публічных фінанцій. Так собі пояснює їх одпор проти новелі закона о політічных партіях, котра бы могла обмеджовати штатне фінансованя політічных партій. Шутай Ешток то увів на соціалній сіті. Подля нього, опозічны партії ся охранов демокрації лем прикрывають а в реалности не хочуть прийти о штатны вклады. „Кідь мусять шпорити люде, мусять шпорити і політіци. Опозіція але наопак указує лем своє властне папалашство. Пропозіція Гласу є ясна і ферова, пропонуєме скорочіня штатных вкладів про політічны партії, жебы сьме успорили десяткы міліонів евро,“ увів Шутай Ешток. Міністер внутрішных діл тыж підкреслив, же рух Словеньско під веджіньом Ігора Матовіча мать в перерахунку на єдного посланця найвысшый штатный вклад. (TASR, Pkf)