Председа посланецького клубу коалічной партії Smer-SD Ян Ріхтер поважує за пріоріту 40-го засіданя Народной рады СР схваліня пропозіції державного розрахунку на слідуючій рік. Повів то на днешній пресконференції. Авізовав, же покля бы з їх шорів вышла даяка позмінююча пропозіція, не мали бы ся мінити цілковы чісла, не мало бы ся ниґде брати, ани ниґде придавати. Повів, же пропозіція розрахунку, котру приготовило Міністерство фінанцій СР, перешла процесами, коалічнов радов, коалічныма партнерами, і не было бы добре, кебы тоты діла ся рапідно мінили.

(Медвідь, TASR)