x

ПСК планує спустити Вызву про реґіон

00

Пряшівскый самосправный край приправує выголошіня з назвом Вызва про реґіон, в котрій є на тот рік алокованых 3,6 міліона евр. Фінанції на тот ціль крайскы посланці одобрили на децембровім засідані. На проґрам Підпоры інфраштруктуры турізму і обновы културных памяток в Пряшівскім самосправнім краю в котрім ся рахує і з будованям ціклопішників і ціклотрас, є выділеных 2,3 міліонів евр а на проґрам дофінанцованя уж одобреных проєктів в
 рамках пять процентового сполуфінанцованя жадателім з Европскых штруктуралных і інвестічных фондів 300.000 евр. Іде о проєкты з області інфраштруктуры турізму і підпорі културных памяток в ПСК. Директор Уряду ПСК Йозеф Цволіґа на марґо даного проґраму повів, „хочеме підпорити і памяткы УНЕСЦО, бо такый проґрам на Словакії того часу неє. Так само хочеме підпорити і обнову Народных културных памяток, як суть церкві, грады і замкы. Посліднім, третім проґрамом є підпора шпортовых площадок, де є алокованых єден міліон евр.“ Пряшівскый самосправный край хоче дану вызву спустити 1. марця, по єй одобріню крайскым представницьтвом на фебруаровім засідані.
(ТАSR)