Чісло найменше розвинутых окресів ся звышыло на 20. К 18 прибыли і окресы Міхалівці і Стропків, про котры ся в сучасности приправують акчны планы. Про окресы Левоча і Снина, котры были до списку найменше розвинутых окресів приданы в апрілі 2018, ся акчны планы будуть одобрювати якраз в тім місяці. Про словацьку пресову аґентуру ТАSR то повів віцепремьєр про інвестиції і інформатизацію Ріхард Раші з тым, же критерійом є безробітя.
Уряд підпредседу влады СР про інвестиції ї інформатизацію приправує про них акчны планы, котры мають еврофондову часть і реґіоналный вклад штату. З тым є повязана робота на опатрінях на упрощіня черпаня реґіоналного вкладу, вєдно зо звышіньом флехібіліты. „Выслідком того мать быти, абы ся од одобріня пріоріт достали гроші што найскоріше ку приімательові. Філозофія є фурт о вытворювані новых робочіх місць в конкретнім окресі,“ повів віцепремьер з тым, же уряд буде контролювати акчны планы.
(ТАSR)