Косовскый премєрь Албін Курті высловив надію, же ся му тот рік подарить нормалізувати односины зо Сербійов. Белеград меджі часом обвинив Пріштіну зо заблокованя додавок серьбской мены – дінара – на сполочных границях, інформує о тім аґентура  AFP. Серьбска централна банка тыж остро одсудила вчерайшый інцідент на серьбско-косовскых границях і повторила, же є  потрібне зрушыти діскріміначне, незаконне і побуруюче опатріня заказуюче поужываня серьбского дінара в обходных трансакціях. Додавкы дінарів подля серьбской банкы служыли на выплачіня заробітків, пензій, соціалных давок і іншого плачіня Сербом жыючіх в Косові. (TASR, Pkf)