x

Діалоґ меджі Варшовов і Европсков комісійов є натепер нереалным

00

Европска комісія невидить в конфлікті коло реформы польской юстіції можность діялоґу с Варшавов. Назначів то вчера в Европскім парламенті його підпредседа Франс Тіммерманс. На основі його слов Европска комісія хоче надалей вести реалный, конштруктівный діалоґ с Варшавов, але барз банує, же в тім часі то неє реалне. Засягы польской влады до сістему юстіції представували “сістомовы огрожіня“, підтвердив то Тіммерманс і додав, же резорт справодливості бы мав вплив на єднотливых судців посередництвом продовжування їх мандатів. Тот крок підкопує незалежність юстиції і є в незгоді с правом Унії, конштатував другый муж Европской комісії, котра на основі Тіммермансовых слов зважує тепер дальшы крокы.
(Петро Кімак-Фейко)