Реакцію палестиньской мілітантной ґрупы Гамас на пропонуваный договор о заставліню боїв в Пасмі Ґазы досліджує і ізраілска тайна служба Мосад. Подля аґентуры AFP то вчера вечур ознамив уряд ізраілского премєра Бенъяміна Нетанъягуа. Справодайскый інтернетовый сайт The Times of Israel вчера зосумарізовав, же Гамас вчера – по веце як тыждні чеканя – доручив свою одповідь на рамцовый договор, котрый взыйшов з недавных їднань в Парижі і котру выпрацювали катарскы і еґіптскы медіаторы і посередници OSN і Ізраіля. Гамас, так повідають, надале пожадує тырвале скінчіня боїв, скінчіти ізраілско-еґіптску блокаду Пасмы Ґазы, реконштрукцію енклавы і пропущіня палестиньскых тзв. безпечностных арештованых. Америцькый презідент Йое Біден шак означів реакцію Гамасу за “прегнану“, причім назначів, же їднаня надале продовжують, додав справодайскый інтернетовый сайт The Times of Israel (TASR, Pkf)