Председа мадярьской влады Віктор Орбан в октобрі піде до Кітаю на запрошіня кітайского презідент а Сі Тін-Пхіна. В понедільок то про сервер privatbankar.hu потвердив говорця Орбана Берталан Гаваші, інформує аґентура TASR. Навщіву мадярьсково премєра в Кітаю першый раз спомянув председа Мадярьско-кітайской секції Мадярьской обходной і промысловой коморы Тамаш Надаші на будапештяньскій пресконференції орґанізованій з нагоды 134-го Кантоньского велеторгу, котрый є єдным з найвекшых на світі. Тот велеторг буде проходити в октобрі і новембрі того року. Орбана, котрый Кітай навщівив остатній раз у 2018-ім році, запросив кітайскый презідент до Пекіну. Премєр почас свого октобрового проґраму буде брати участь на конференції Belt and Road Initiative.

(Медвідь, TASR)