Посланці Народной рады (НР) СР мають знова од вівторка, 23-го януара, продовжувати в ряді в шестій сходзі. Надале мають продовжувати в діскусії о пропозиції на скорочене леґіслатівне діяня к новелі Трестного закона. Приголосеных є іщі пару діскутуючіх. По одобріню пропозиції на скорочене леґіслатівне діяня бы мали посланці продіскутовати новелу в першім і другім чітаню. На проґрамі засіданя парламенту є іщі веце як 20 пунктів, меджі нима і посланецькы пропозиції законів. Smer-SD, наприклад, пропонує скоротити пракс про шоферованя авта з правом предностной їзды ґрупы C1. Рух Slovensko предложыло пакунок змін, дотуляючіх ся понижіня цін потравин і тыж леґіслатіву, дотуляючу ся аплікації матеріялной одповідности політиків. SaS хоче новелізаційов редефіновати основу поступку трестного чіну знасілніня. Посланці Progresívneho Slovenska подали пропозицію, дотуляючу ся дальшого условія, в рамках котрой мать быти призначене право на вдовецьку пензію. (TASR, Pkf)