Україньска поліція інформувала, же 25 єй членів утерпіло в суботу пораніня прі стрічі з ултранаціоналістами. Як уточнила аґентура AFP, 19 поліцайтів было пораненых і госпіталізованых в місті Черкасы з биткы з ґрупов націоналістів з ултраправіцового здружіня Národný korpus, котры пробували заставити колону авт з презідентом Петром Порошенком. Дальшы троє поліцайты были поранены в суботу в Кієві, кедь ся достали до контакту з членами згадуваной націоналістичной формації і Národnými družinami, котры жадали арешт особ замішаных до махінацій на міністерстві обороны і заморожіня їх маєтків. Говорця Národných družín Олександер Алфіоров про аґентуру AFP пояснив, же через даны стрітнутя хотіли указати на проблем корупції в україньскій владі. (TASR, Пкф)