Грозьба, же російскый презідент Владимір Путін схоснує тактічну ядрову зброю, є реална, выголосив у понедільок шеф Білого дому Джов Байден, інформує аґентура Reuters. Байден ся так выразив лем пару днів по тім, што почас вікенду означів рішіня Путіна розмістити російску тактічну ядрову зброю в Білоруси за абсолутно неодповідне. Білоруськый презідент Александер Лукашенко минувшый тыждень інформовав, же його країна зачала приймати додавкы російской тактічной ядровой зброї. Росія притім таку зброю, котра має курте достріліня і є менше силна як стратеґічна ядрова зброя, розмістить мімо теріторії Росії першый раз од розпаду Совітьского союзу.

(Медвідь, TASR)