x

Сіціліа понукають дотацію на доволенку стравену на острові про домашніх і заграничных навщівників

00

Реґіоналны уряды на італійскім острові Сіціліа понукають дотацію на доволенку стравену на острові про домашніх і заграничных навщівників. Про тот рік вырішыли в снажіню наштартувати турістичный рух по пандемії коронавірусу, інформувала о тім пресова аґентура TASR. Сума 75 міліонів евр зо средства реґіоналной влады была выділена на підпору турістичного руху з причіны фінанчных страт по тім, як влада апліковала 10-го марця строгы карантенны крокы в снажіню заставити або змірнити шыріня інфекчного захворіня COVID-19. План загорнює дотацію коштів на уквартируваня навщівників острова, а то так, же бы могли мати єдну з трьох або дві зо шестьох ночі в готелі задармо, респективні бы могли здобыти листок на навщіву културной акції ці історічной памяткы. (TASR, Pkf)