Ґрупа вызначных словацькых і чеськых особностей вызвала чеську і словацьку владу, абы про своїх жытелів открыли сполочны границі. Інформував о тім директор бібіліотекы Вацлава Гавла Міхаел Жантовскый, котрого цітовав справодайскый портал Чеського розгласу. Окрім нього ся під техт вызвы підписали наприклад бывша словацька діпломатка Маґда Вашаріова, бывшый словацькый міністер културы Ладіслав Снопко, новинарь Мілан Шімечка, чеськый політик Лібор Роучек ці економ Радек Шпіцар. У вызві ся пише, же колективный приклад влад ЧР і СР бы додало одвагу і дальшым країнам при поступуючім обновлёваню Европы без границь – про вшыткых єй жытелів. (TASR, Pkf)