Депутаты Народной рады Словацькой републікы днесь не схвалили проґрам міморядного засіданя в повязаню з літаками МіҐ-29, котры бы Словакія могла дати Україні. За проґрам засіданя голосовало 48 із 119-ох присутных депутатів, проти было 28 і 37 ся стримало. Партія Smer-SD хотіла на засіданю просадити узнесіня, котрым парламент высловить незгоду з посыланьом зброї на Україну з причіны протиконштітучности. Председа парламенту Боріс Коллар на початку авізовав, же дочасно повіреный міністер обороны Ярослав Надь є на їднанях в загранічу, і пожадав, жебы у віторок ся о літаках не їднало. За словами Коллара дав Надь приобіцяня, же ся з літаками не буде рушати скоріше, як ся то проїднать в парламенті. Парламент по несхваліню проґраму продовжує 83-ім засіданьом.

(Медвідь, TASR)