Председа Пряшівского самосправного краю Мілан Маєрьскый в рамках своїх планованых выяздів навщівив у четверь місто Свідник. Пріорітов окресу Свідник є подля нёго добудованя доправной інфраштруктуры,  головно северного обхвату Р4. Меджі планованыма інвестіціями в тім роцї суть і реконштрукції мосту в Ладоміровій, части драг Местіско-Свідник, Грабовчік- Ровне, Капішова-Кружлова, Гунківцї- Кореївцї, Ладомірова- Ваґрінец, і одстранїня бодовых недостатків на дразї за селом Гунківцї. Єднов з тем стрічі было і школство, конкретно дуалне навчаня, і головно оптімалізація сітї середнїх школ. Тота ся в припадї окресу дотулять Середнёй одборной школы технічной у Свіднику, котра бы мала быти в новім школьскім роцї выраджена зо сітї школ і злучена зо СОШ політехнічнов і служеб арм.ґен. Л. Свободу. ,, Амбіціёв самосправы є школы в цїлім краю оптімалізовати, передовшыткым їх злучовати, а притім заховавати жаданы одборы. Цїлём є вытворити лїпшы условія про школярїв і учітелїв, зарівно ефектівно вывжывати будовы і сквалітнёвати навчаня, “ доповнив председа краю. 

                                                                                                          (TASR, Шутіова)