Чертіжне є єдно з нашых найвызнамнішых русиньскых сел. Може ся пышыти свойов богатов історійов, і фактом, же колись там робили такы вызнамны особности як Добрянскый, Ставровскый-Попрадов, Ханат, Зозуляк і многы дальшы, котры зограли вызнамну ролю в історії самого села. Днешнє Чертіжме і наперек многым актуалным проблемом, з котрыма ся боре неєдно село нашого реґіону, снажыть ся робити  про своїх жытелів што найвецей. В посліднім часі ся орєнтує главні на молодых людей. Доказом того суть нелем єй планы до будучності, але уж і сама реалізація двох  проєктів на котры здобыли уж фінанції. Ближше о тім говорить староста села Петро Трічак: „І того року бы сьме хотіли дашто про молодых зробити, абы ся і они в селі добрі чули і мали можность в нім травити свій вольный час. Хотіли бы сьме  зреалізувати реконштрукцію внуторных і вонкайшых просторів нашого културного дому. Фінанції бы сьме хотіли здобыти через еврофонды ці через різны вызвы нашых міністерстев. Нашто але фінанції уж маме, так то є проєкт заміряный на выбудованя мултіфункчного ігріска за културным домом.  Насамый перед мусиме зробити верейне обстараваня а потім приступиме к самій реалізації того проєкту. В просторах културного дому зачали сьме і з реалізаціойов другого проєкту а то в сумі 29 000 евр. Тот проєкт є заміряный на выбудованя просторів про  доброволницькый гасічкыйх корпус.“  ( Pkf)ы