Взник першой Чеськословеньской републикы (ČSR) значів про Словаків радікалну зміну. З народа, котрый в Австро-Угорьску немав право на існуваня, став ся єден зо штатотворных народів. Взник  ČSR ся в Словацькій републиці по 1993-ім року припоминать як памятный день – День взнику самостатного Чеськословеньска.  В новембрі 2020-го року посланці Народной рады СР одобрили дві новелы закона, на основі чого ся 28-ый октобер змінив на штатне свято – День взнику самостатного чеськословеньского штату. Свято шак не є дньом працовного покоя. Народный выбор чеськословеньскый в Празі прияв 28-ый октобер 1918-го року закон о вытворіню самостатной ČSR, выголосив єй взник і перевзяв штатну міц. Од взнику ČSR в пятницю 28-го октобра мине 104 років. (TASR, Pkf)