Чеська влада передовжыла дочасны контролї на граніцях зо Словакіёв о далшых 45 днїв. По засїданю влады о тім інформовав премєр Петыр Фіала, тот авізовав передовжіня о 15 днїв, ёго слова але пізніше коріґовала влада а уточнила, же схвалила нараз дві передовжіня, тото друге іщі о далшых 30 днїв. В платности так котролї оставають до 12. децембра. ,,То суть превентівны крокы, котры досправды не робиме рады, але тота сітуація сі то выжадує,“ повів Фіала. Заведжіня котроль подля нёго принесло резултаты. ,,Знижуєме нелеґалну міґрацію а браниме тому, жебы ся тота путь нелеґалной міґрації напрямінём до Европы і до Чеськой републікы посилнёвала або довгодобо етабловала,“ уточнив председа влады. Превентівны крокы мусять быти подля ёго слов в платности так довго, як буде треба.

(TASR, Шутіова)