Европска комісія в понедільок оголосила, же в рамках нового кола ініціатівы DiscoverEU роздать 60 тісяч Европанам у віці од 18 до 20 років безплатны листкы на подорожіня. Жадости мож подавати од днесь до 26-го октобра. Жадости мусять дотуляти ся подорожіня по країнах Европы почас 2022-го року, котрый буде Европскым роком молодежи. Підпоров подорожіня, котра буде заміряна головно на желізнічный транспорт, хоче еврокомісія повзбудити мобіліту молодых, котру знижыла сучасна пандемія. На тоты намагы мають надвязати і далшы інціатівы повязаны з Европскым роком молодежи. Успішны жадателі будуть годны подорожыти по Европі од марца 2022-го року до фебруара 2023-го року, і то найвеце 30 днів.

(Медвідь, TASR)