Самосправа міста Собранцї хоче выбудовати центер інтеґрованой здравотной старостливости (ЦІЗС). Реаґує так на вызву міністерства землегосподарьства. Чі го і зрядить, буде подля нєй залежне од інтересу лїкарїв.,,Тым, же сьме публиковали тот замір на нашій вебовій сторінцї, зіщуєме, ці буде інтерес лїкарїв о тоты просторы. Покы бы быв, до той вызвы бы сьме ішли і вывжыли фінанчны средства, котры ся з вызвы нукають на выбудованя новых просторів.   А то чі уж про лїкарїв, котры суть в Собранцях а може не суть спокійны з просторами в котрых пособлять, або глядають новы просторы, або про новых лїкарїв, котры бы мали інтерес прийти до Собранець,“ высвітлив пріматор міста Павол Джуріна (nezávislý). Вызву місто адресує головно общім лїкарём, педіатрам і ґінеколоґам, але і другым шпеціалістам. Тоты можуть свій інтерес о роботу в ЦІЗС выразити до 13. децембра.
(KORZÁR, Шутіова)