x

Пентаґон апелує на Анкару, абы стримала ся поземной операції в Сірії

00

Як бы Турція зачала поземну операцію в Сірії, важні бы то огрозило профіты досягнуты в бої проти терорістічній орґанізації Ісламскый штат (IS). Вчера то увів Пентаґон, котрый апелував на Анкару, абы стримала ся такых кроків, інформує пресаґентура AFP. Сполучены штаты підпорованы Сірьскыма демократічныма силами (SDF), ведженыма Курдами, зограли ключову ролю при вытиснутю екстремістічных бойовників IS з обсадженых теріторій. Напятя меджі Турційов і Сірійов ся звышыло по помбовім атаку в Істанбулі з 13-го новембра, при котрім вмерло шість людей і 81 потерпіло пораніня. Анкара приписує одповідність за атак курдскым Частям народной обороны (YPG), котры шак поперають хоцьяку участь на споминанім атаку. (TASR, Pkf)