Портуґалія од неділі заперла свої границі з цільом забранити шыріню коронавірусу SARS-CoV-2, інформувала о тім аґентура  DPA. Портуґалска влада выдала наряджіня, на основі котрого спріснила контролі на летісках і в приставох. Опатріня мать діяти найближшых 15 днів, пише на своїй інтернетовій сторинці іспаньска верейноправна станіця RTVE. За інформаціями пресодділіня Міністерства заграничных справ і европскых діл СР выходить, же обывателі Словакії мусять мати про вступ до Портуґалії од 31-го януаря неґатівный PCR тест не старшый як 72 годин і мусять абсолвувати ізолацію в карантені на час 14 днів. (TASR, Pkf)