Російске міністерство обраны зверейнило у четверь відеозазнам інціденту, протягом котрого російска стїгачка в области Балтьскогоморя захопила і наслїдно ескортовала америцьке проскумне летадло. Інформовала отім аґентура АП. На відеу наточенім з кокпіту русского стїгачого летадла СУ-27є видно, як ся русскый строй приближує к америцькому проскумному летадлу РЦ-135. Представителї міністерства неспреснили датум інціденту, але увели, же америцькый строй наконець одлетїв а русска стїгачка ся вернула назад на свою базу. Кремель уж дакілько раз выголосив, же Споєны штаты і їх споєнцї з НАТО підвышыли в послїднїх роках много проскумных летів поздовж русскых граніць. Даный феномен означує за сучасть намагань западных споєнцїв о посилнїня своёй воєньской притомности в реґіонї з цїлём огрожовати безпечность Росії.              (TASR, Шутіова)