Ізраільскый премєр Бенъямін Нетанъягу 22-го мая того року тайно навщівив Еґіпт, де дакілько годин їднав із презідентом Абдалом Фаттагом Сісім о перемірю в пасмі Ґазы. Подля аґентуры TASR о тім інформовала в понедільок ізраільска телевізія Канал 10 з одкликаньом ся на неменованы америцькы жрідла. Нетанъягу мав говорити і о навернутю палестіньской самосправы до пасма Ґазы, котре од юна 2007-го року овладать мілітантный рух Гамас і о увольніню блокады той теріторії ці обнові зниченой інфраштруктуры. Еґіпт вже дакілько раз грав головну роль медіатора в конфлікті на Близкім выході. Вєдно із Йорданійов суть єдиныма арабскыма державами, котры мають з Ізраільом підписаный мірный договор.

(Медвідь, TASR)