Америцькый презідент Доналд Трамп вчера выголосив, же на Кубу по операції США у Венезуелі „не піде уж нияка ропа ани гроші“ і зо Сполученыма штатами бы ся мали догoворити, „покы не є пізно“.Інформують о тім аґентуры Reuters і AFP. „Куба жыла много років з великого множества ропы і грошей з Венезуелы. Вымінов Куба давала ‚безпечностну охрану’ посліднім двом венезуельскым діктаторам, АЛЕ ВЕЦЕ ТОМУ ТАК НЕ БУДЕ!…,“ написав окрім іншого америцькый презідент на своїй соціальній сіті Truth Social. Трамп дале твердить, же Венезуелу в сучасности хранить найсилніша армада світа – тота америцька. Трамп єдночасно перезділяв статю ужывателя, котрый написав, же америцькый міністер загранича Marco Rubio, сын двох кубаньскых іміґрантів, буде будучім презідентом Кубы. Шеф Білого дому на марґо того написав, же то „звучіть добрі“. (TASR, Пкф)