x

Мадярьска влада хоче зрушыти родовы штудії

00

Мадярьске міністерство людьскых жрідел планує зрушыти на універзітах проґрам родовых штудій. Проти того протестують універзіты, на котрых ся проґрам учіть і опозічны партії. Дотеперь были родовы штудії на Універзіті Лоранда Етвеша і на Середньоевропскій універзіті. Влада одобратя акредітації арґументує тым, же о проґрам не є жаден інтерес і же абсолвентів такого проґраму не потребує ани робочій рынок. Віцепремєр Жолт Шемйен, котрый є підпредседом меншой владной Хрістіаньско-демократічной народной партії, в комерчній телевізії ATV в понедільок повів, же „джендеролоґів“ нихто не потребує, зато не треба ани тримати такый штудійный проґрам. За його думками то не є наука, але ідеолоґія, інформовала аґентура TASR.

(Медвідь, TASR)