В Пряшові в понедільок 16-го фебруара за участи міністра турістічного руху і шпорту Рудолфа Гуліака, пріматора міста Пряшів Франтішка Ольгы і представителів райтерьскый орґанізацій святочно почало будованя Народного райтерьского тренінґового центра про діти і молодеж Словакії. В рамках проєкту зробить ся комплетна реконштрукція сучасной райтерьской салы. Подля веджіня міста іде о історічно найвызначнішу інвестіцію до паркурового шпорту. „Быв ту єден із найвызначнішых жеребинців в рамках Австро-Угорьска. Докінця коні із того жеребинця хосновав іщі і наш презідент Томаш Ґарік Масарик. Значіть, де інде як в тім місті бы мав выроснути зреконштруованый народный райтерьскый центер про нашы діти, нашу молодеж,“ повів міністер Гуліак.

(Медвідь, TASR)