Чеськый премєр Андрей Бабіш хоче рішыти признаня Косова з міністром загранічных діл Томашом Петжічком і міністром внутрішніх справ Яном Гамачком. Бабіш то повів у понедільок по стрічі з презідентом Мілошом Земаном в Ланах. Земан минувшый тыждень на навщіві Сербії повів, же має інтерес бісідовати о тім, ці бы было можливе одкликати признаня Косова Чеськов републіков, припомянув сервер Novinky.cz. Як повів премєр, презідент одкликує ся на узнесіня Сеймовні за Тополанковой влады, жебы не признавати Косово. Бабіш хоче вопрос рішыти на коордіначній стрічі про загранічну політіку. Не вылучує зміны, што до признаня Косова.

(Медвідь, TASR)