x

Ремішова: Міністерство школства не знать ефектівно рядити еврофонды

00

Міністерство школства, наукы, досліджіня і шпорту подля Веронікы Ремішовой із OĽaNO не знать рядити еврофонды. Сконштатовала то на бріфінґу у віторок з тым, же міністерка школства Мартіна Лубійова бремено еврофондів перенесла на гражданів Словакії. Ремішова припомянула, же про еврофондовый шкандал перед часом мусив одыйти міністер школства Петер Плавчан і нова міністерка приобіцяла, же буде намагати ся зрушыти і змлувы в другій вызві а еврофонды будуть справованы добрі і ефектівно. Но сучасну сітуацію означіла депутатка за далше фіаско, бо векшына змлув зіставать в платности. Ремішова звернула увагу, же дакотры змлувы выпали з операчного проґраму і сума 166 мілінов евр не буде плачена з еврофондів. Подля депутаткы то заплатять вшыткы гражданы Словакії. З причіны планого ряджіня операчного проґраму подля ньой буде навеце мусити Словакія вернути дакотры средства до Брусела. Одгадує, же держава так прийде о далшых 100 міліонів.
(Медвідь, TASR)
Фото: TASR