Пряшівскый самосправный край мать в рамках інтеґрованой теріторіалной стратеґії схваленых далшых 12 проєктовых замірів за 15,6 міліона евр, котры будуть на теріторії Шаріша, Спіша і верьхнёго Земпліна реалізованы з еврофондовых жрідел з Проґраму Словеньско 2021- 2027. Одобрила їх Рада партнерства ПСК на своїм засїданю. Платформа натеперь схвалила уж цїлково 219 замірів за 217,6 міліона евр, а то з цїлковой алокації, котра є про край на уровни 293 міліонів евр. TASR о тім інформовала говоркыня края Даша Єленёва. ,,Новы інвестіції суть напрямены до нашых міст і сел, а то конкретно до обновы містных комунікацій, навчаня, але і путёвого руху а верейного транспорту. Проєкты суть просто шыты на конкретны самосправы а напрямены на то, жебы зякостнили а злїпшыли жывот їх жытелїм,“ увів по засїданю Рады партнерства ПСК председа края Мілан Маєрьскый.

(TASR, Шутіова)