Кідь словацька република не хотш, жебы Карпатьскы буковы пралїсы пришли о знашку УНЕСКО, требо сповнити условія якы выходять з номіначного проєкту. В розговорї про Тлачову аґентуру Словацькой републикы на ту упозорнив міністер жывотного окружіня Ласло Шолімош. Локаліта є сучастёв Світовой дїдовизны УНЕСКО. Єдным з условій є і забеспечіня адекватной охраны природы на теріторії з розлогов 5700 гектарів. Шолімош конштатовав, же іде о міджірезортну проблематіку. „Просто мусиме тоты условія повнити, жебы сьме то мали. Ід тому є і, єдно то условіє є якраз розлога. Повіли сьме, же тото ту буде, было то выголошене. Теперь є на нас, жебы сьме то сповнили. Незнам, чом ся то од року 2007 або одколи не сповнило. Теперь є уже на нас тиск, як ніж на шыї а мусиме то сповнити.“ Выбор світовой дїдовизны нарядив Словацькій републіцї до 1. фебруара 2018 зробити потрібны опатїна, в тім чіслї і передложыть пропозіцію управы граніць словацькых компонентів локаліты і їх наразниковых зон. Причім Шолімош припоминать, же зменшіня розлогы може вести ід одобратю значкы УНЕСКО.
(TASR)