Вчера Словакія евакуовала далшых жытелів СР з крізовой области Близького выходу. На Летіску М. Р. Штефаніка їх в середу вечурь привіз владный шпеціал, котрый одлетів з йорданской Акабы. Евакуованых было 22 жытелів СР і двох жытелів іншых народностей. Пресаґентуру TASR о тім інформовав комунікачный одбор Міністерства загранічных діл і европскых справ СР, котрый єдночасно увів, же лет ся подарило забезпечити і дякуючі тісній сполупраці з Міністерством обороны СР і Міністерством внутрішных діл СР. (TASR, Pkf)