Азербайджан днесь інформував, же його вояци вступили до окресу Аґдам, котрый сусідить з Нагорным Карабахом і котрый по 27 рокох вернули арменскы сепаратісты на основі Російов вытвореной догоды о примірї, котров ся кінчить шістьтыждньовый бруталный конфлікт в данім реґіоні. Інформувала о тім пресова аґентура  AFP. Аґдам є єден з трьох окресів, котры мають етнічны Армены одступити Азербайджану. Дальшыма суть Калбаджар, котрый мать быти одступеный 25-го новембра і Лачін, котрый знова до 1-го децембра. (TASR, Pkf)