Словацька комора учітелїв поважує новорічне розгоднутя міністеркы школства, наукы, дослїджіня і шпорту СР Мартіны Луніовой зрушыти Інштітут навчалной політікы за несправный. Подля них суть ёго одборны посудкы, аналізы і точны дата про ефектівіту каждого резорту потрїбны. Резорт школства в середу інформовав, же мінить орґанізачну штруктуру. Хоче забеспечіти ефектівнїшый ход резорту, знижыти почет адміністратівных заместнанцїв. Міджі першыма взникать новый одбор цїложывотного навчаня і аналіз навчалной політікы. То злучінём дотеперїшнёго Інштітуту навчалной політікы і одбору цїложывотного навнчаня. Розгоднутя зрушыти Інштітут навчалной політікы бере неґатівно веце орґанізацій, міджі нима і Штудентьска рада высокых школ ці Ініціатіва словацькых учітелїв. Справа была перевзята з порталу teraz.sk
(Зденка Цітрякова)