Нїмецькый канцеларь Олаф Шолць у четверь вечур в прояви ку народу варовав, же російска інвазія на Україну ся не сміє розшырити до інакшых частей Европы. Приобіцяв тыж, же NATO буде бранити свої членьскы штаты. TASR o тім інформує на основі справы аґентура AFP. ,,Мусиме заістити, жебы ся тот конфлікт не розшырив до далшых европскых країн. З америцькым презідентом а нашыма европскыма приятелями ся згодуєме, же тому мусиме передыйти вшыткыма доступныма средствами,“ увів в прояві, котрый быв одвысыланый в телевізії. Російскый презідент Володимир Путїн бы подля Шолца не мав підцїнёвати одгодланя NATO бранити своїх членів. Шолц ся тыж прямо обернув на російского презідента: ,,Такой заставте боёвы операції. Стягнийте російскы єдноткы з Україны. Зруште незаконне узнаня Донецькой і Луганьской области.“

(TASR, Шутіова)