Словеньскый міністер загранічный дїл Мірослав Лайчак у четверь выступив на престіжній меджінародній конференції Брусельске форум в головній панеловій діcкусії названій : ,,Нова ера ґеополітічного змаганя,” чім надвязав на свою тоготыжднёву презентацію на засїданю Европской рады про вонкашнї одношїня в Лісабонї. Ёго сполудіскутуючіма были польскый міністер загранічных дїл Яцек Чапутовіч а презідент Брукліньского інштітуту ґенерал Джон Ален. Лайчак прімарно звертав увагу на актуалный став меджінародного упорядкованя, якости трансатлантічных одношїнь і гляданю сполочных рїшінь сучасных апелів. У своїм выступлїню упозорнив на актуално ся мінячу ґеополітічну сітуацію і на задачі держав в нїй. В тім повязаню поуказав на дакотры різіка мултіполарізму. Зарівно додав, же мултіполарізм може выкликати пересвідчіня рівновагы, але наісто не iде о автоматічну ґаранцію міру і стабіліты.

(TASR, Шутіова)