Шпыталь із поліклініков святого Якова в Бардейові закінчів комплексну реконштрукцію псіхіатрічного ліжкового одділіня. Тырвала од новембра 2024-го року до юна 2025-го року, і фінанцована была із средств Плану обновы і одолности, а так само із пожычок. Зреконштруоване одділіня святочно одкрыли в понедільок за участи міністра здравотництва Каміла Шашка. Подля директора шпыталю Маріяна Петка в рамках реконштрукції выникла нова приймова амбуланція, де ходять паціенты із реґіону Бардейов, Свідник і Стропків у акутнім стані 24 годин і сім днів у тыждню. Окрем далшых новот в запертій части одділіня находить ся і секлузна комната. Іде о шпеціално приспособлену цімру про паціентів у акутнім або барз тяжкім стані. Одділіня має капаціту 29 ліжок.

(Медвідь, TASR)