В просторах Ґрекокатолицькой теолоґічной факулты в Пряшові ся одбыла послідня сінодална стріча Пряшівськой архієпархії. Одзвучало на ній окрім іншого, же церьков потребує выйти зо заужываных пішників пасторації і упустити од клерікалізму. Як TASR інформував говорця Пряшівськой архієпархії Міхал Павлішіновіч, выпрацована заверечна сінтеза  буде заслана на секретаріят Конференції єпіскопів Словеньска. Єй резултаты будуть запрацованы до выступів сінодалной драгы цілой Католицькой церькви на Словакії. На споминаній сінодалній стрічі брали участь заступцове священників з 18 протопресбітеріатів Пряшівськой архієпархії  довєдна і єден з рядів лаїків. Тыж там были притомны і членове архієпархіалного сінодалного тіму репрезентуючого єднотливы області пасторації – молодеж і діти, манжеле, сеніоры, жена священика, заступцове за ромску і русиньску комуніту, регольны сестры, харіта, заступцове за рухы і общіны. (TASR, Пкф)